İyulun 19-da Taleh Bağırzadə və Fuad Qəhrəmanlının işi üzrə məhkəmə başlayır

Iyulun 19-da Bakı Ağır Cinayətlər Məhkəməsində “Müsəlman Birliyi” Hərəkatının rəhbəri Taleh Bağırzadə və daha 16 nəfərin cinayət işi üzrə hazırlıq iclası olacaq. Proses hakim Əlövsət Osmanovun sədrliyilə keçiriləcək. Bu barədə Turan-a məhkəmədən bildiriblər.

Bu iş üzrə Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı da keçir. Onlar ötən ilin noyabrında Nardaranda qanunsuz hərəkətlərin təşkilində ittiham olunurlar.

2015-ci il noyabrın 26-da Nardaranda keçirilən xüsusi əməliyyat zamanı 6 nəfər, o cümlədən 2 polis işçisi öldürülüb. İş üzrə 70-ə yaxın adam keçir. Onlar əsasən “Müsəlman Birliyi” Hərəkatının üzvləri və tərəfdarlarıdır.

F.Qəhrəmanlı dövlət əleyhinə açıq çağırışlar, dini ədavətin salınması, kütləvi iğtişaşlara çağırışlarda ittiham olunur.