İdman

Der Standart: Bakıda keçirilmiş Avropa Oyunlarında əlil olmuş avstriyalı idmançı təşkilatçılardan hələ heç bir kompensasiya almayıb

Bakıda Avropa Oyunları başlamadan  yol qəzası nəticəsində   aşağı ətrafların iflici olmuş Avstriyalı  üzgüçü Vanessa Sahinoviç hələ heç bir kompensasiya almadı. Bu haqda Avstriyalı  “Der Standart” yazıb.

Qeyd edək ki, 16 yaşlı  idmançı artıq 13 aydır ki, müalicə alır. 2015-ci ildə o, Avstriyanın komandasından sinxron üzüçülük yarışda iştirak edəcəkdi. Qəza Avropa Oyunlarının açılışı mərasimindən əvvəl baş verib. Avstriya komandasından üç üzvünə  avtobus çarpmışdı, onlardan biri də Sahinoviç idi.

Avstriyanın  Olimpiya Komitəsinin bildirdiyinə  görə, təşkilatçılar qızın ailəsinə  6 il səxavətli kompensasiya verməyə söz verdilər. Ailə vəkilinin sözlərinə görə, Vanessanın  müalicə üçün pula ehtiyacı var və kompensasiya onlara çox köməklik edəcək.

Xatırlataq ki, 2015-ci il İyunun 11-də Avropa Oyunlarının Atletlər qəsəbəsində baş vermiş qəza nəticəsində idmançı Vanessa Saxinoviç ciddi zədə almışdı. Bir neçə sümük zədəsi alan idmançı dərhal Vyanaya göndərilmişdi. Əlavə edək ki,  qəza videosunu paylaşan polis məmuru işdən çıxarılıb.

Məlum olduğu kimi  2015-ci iyun 12-28-də Bakıda Avropa Oyunları baş verib və Azərbaycan bu oyunlarda  10 milyard dollar  xərclədi. Lakin azərbaycanlılar üçün bu oyunlar çox sayılı yasaqlarla ciddi problemlər yaratmışdı.

Daha çox göstər
Back to top button