ABŞ Azərbaycanda 17 sentyabr mitinqində həbs olunanlara azadlıq tələb etdi

ABŞ-ın ATƏT-dəki nümayəndəliyinin rəhbəri Maykl Kozak Azərbaycanda siyasi vəziyyətlə bağlı bəyanatla çıxış edib:

Azərbaycanda konstitusiya dəyişikliklərinə qarşı mitinqlərə hökumətin razılıq verməsinə baxmayaraq, biz çox məyusuq ki, mitinqlərdən öncə və sonra bir çox aktivist və jurnalistlərin saxlanılması barədə xəbərlər aldıq. Biz həmçinin ondan da narahatıq ki, Azərbaycanda təklif olunan konstitusiya dəyişiklikləri azərbaycanlıların onsuz da məhdud olan azad və dinc toplaşmaq azadlığını daha da məhdudlaşdıra bilər. Venesiya Komissiyasının da qeyd etdiyi kimi bu dəyişikliklər ölkə parlamentinin müzakirəsinə və ictimai debatlara təqdim edilmədən həyata keçirilir. Biz hakimiyyətdən tələb edirik ki, sərbəst toplaşmaq azadlığından istifadə edən və ya buna cəhd edən şəxslər dərhal azadlığı buraxılsın. Onu da bildiririk ki, təklif olunan konstitusiya dəyişikliklərinin hakimiyyətin bir əldə cəmlənməsinə səbəb olacağı və hökumətin hesabatlılığını azaldacağı ilə bağlı Venesiya Komissiyasının narahatlığını bölüşürük.