Bakı Fond Birjasının dövriyyəsi 2 dəfədən çox azalıb

Bu ilin 9 ayında Bakı Fond Birjasında səhm və korporativ istiqraz bazarının dövriyyəsi (80 milyon manat) əvvəlki illə müqayisədə 21 dəfə geriləyib.

Bu haqda azadliq.org yazır.

Risk edən investorlar geri çəkilib

Səhmlərin birja vasitəsilə yerləşdirilməsi 6 dəfəyədək azalıb. İl başlanandan sirkətlərin kapital artımı cəmi 24,6 milyon manatdır. Bu məbləğə səhmlərin nominal qiymətini yüksəltmək hesabına kapital artımı daxil deyil. Ötən il yeni qiymətli kağızlar buraxılmaqla bir neçə şirkətin kapital artımına 109 investor vəsait yatırmışdısa, bu il cəmi 15 investor öz kapitalını riskə atıb.

Səhmlərin təkrar bazarında isə ticarətin həcmi 4 dəfə azalıb və 2,2 milyon manat civarında olub. Səhm alış-verişi üzrə bağlanan müqavilələrin sayı da 2 min 600-dən 1500-ə düşüb.