Təhlil

‘Ölkə imitasiya zolağından çıxa bilmir’

Azadliq.info saytı prezidentin dünən, martın 16-da imzaladığı və ümumilikdə 423 şəxsə şamil edilən əfv fərmanı ilə bağlı AXCP sədri Əli Kərimlinin dəyərləndirməsinə yer verib.

«Əliyevin bu «əfv»i də imitasiya oldu» başlıqlı yazıda əvvəlcə əfv haqqında ümumi bilgi təqdim edilir.

Yazıda qeyd edilir ki, siyahıda siyasi məhbus sayılan şəxslərdən 4-5 nəfərin adı var. Həbsdən azad edilənlər içərisində AXCP Gənclər Komitəsinin fəalı Elvin Abdullazadə, bloqqer Əbdül Əbilov, «Azadlıq» qəzetinin baş redaktoru Qənimət Zahidin qohumları da var.

MeydanTV-nin rəhbəri Emin Millinin qayını Nazim Ağabəyov isə şərti azadlıqdan məhrumetmə cəzasından azad edilib.

Yazıda daha sonra isə Əli Kərimlinin dəyərləndirməsi yer alır: «Ölkə imitasiya zolağından çıxa bilmir. Seçki yoxdur, seçkinin imitasiyası var. Ədalətli məhkəmə yoxdur, məhkəmənin imitasiyası var. Humanizm yoxdur, humanizmin imitasiyası var. Vətənpərvərlik yoxdur, vətənpərvərliyin imitasiyası var (siyahını davam edə bilərsiniz). Əfv yoxdur, əfvin imitasiyası var. Bugünkü sərəncam da yalnız əfvin imitasiyası oldu».

Daha çox göstər
Back to top button