İctimaiyyət

”Azadlıq” qəzetinin əməkdaşı xuliqanlıqda ittiham edilir

Bölgə müxbirinə qarşı cinayət işi başlayıb

Biləsuvarda “Azadlıq” qəzetinin bölgə müxbiri Ziya Əsədliyə qarşı cinayət işi qaldırılıb. Yerli polis ona qarşı Cinayət Məcəlləsinin 221- ci maddəsi ilə cinayət işi qaldırı. Məlumatı “azadlıq.info” yayıb.

Polisin ittihamına görə, Ziya Əsədli rayonda yerləşən çayxanaların birində xuliqanlıq hərəkəti edib. Jurnalist ittihamı qəbul etmir. Bildirilir ki, əslində uydurma cinayət hadisəsinin baş verdiyi zaman Ziya Əsədli həmin çayxanada olmayıb və heç kimlə də heç bir konflikt yaşamayıb:

“Yerli polis onun üzünə durmağa adam da tapıb ki, bu, Azərbaycan polisinin praktikasında adi hallardan birinə çevrilib. Ziya Əsədlinin guya xuliqanlıq etdiyi deyilən çayxana yerli polisin mayor rütbəli Vaqif adlı zabitinə məxsusdur. Polis zabiti öz çayxanasında müxalifətçilərə çay satılmasını qadağan edib və buna görə də Ziya Əsədli həmin çayxanaya getmir. Onun üzünə duran şəxs isə iddia edir ki, Ziya Əsədli həmin çayxanaya gəlib və dövlətə qarşı təxribatçı fikirlər səsləndirib” – sayt iddia edir.

DİN mətbuat xidməti məsələ ilə bağlı hər hansı açıqlama vermir.

Daha çox göstər
Həmçinin yoxlayın
Close
Back to top button