Bizim şübhəli məsləhətlərə ehtiyacımız yoxdur: Zaxarovadan Azərbaycan XİN-ə sərt cavab
Rusiya Federasiyasının Xarici İşlər Nazirliyinin rəsmi nümayəndəsi Maria Zaxarova Rusiyada işləyən “Ümumrusiya Azərbaycan Konqresi” QHT-nın ləğvi ilə əlaqədar Azərbaycan XİN mətbuat xidmətinin rəhbəri Hikmət Hacıyevin bəyanatına sərt bir şəkildə cavab verib.
Jurnalistlər ilə görüşdə Zaxarova qeyd edib ki, Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyevin bəyanatı təəccüb doğurur.
“Azərbaycanın XİN nümayəndəsinin Rusiyanın daxili siyasətinə dair bəyanatına diqqət ayrıldıq. Bəyanatda “millətlərarası münasibətlərin balansı, islahatlar konsepsiyası və mədəniyyətlərarası dialoqun perspektivləri” ilə bağlı ifadələr var idi. Düşünürük ki, bu cür ifadələr yersizdir. QHT ilə bağlı rus məhkəməsinin qərarının Azərbaycana qarşı “qeyri-dost addım” kimi qiymətləndirməsi çox qəribədir”,-deyə Zaxarova vurğulayıb.
O, təəssüflə qeyd edib ki, Azərbaycan Xarici işlər Nazirliyi bir neçə KİV-lərdə yayılmış “erməni izi” ilə bağlı variantı təkrarlanıb.
“Bizim bu məsələdə və öz ölkəmizdə millətlərarası münasibətlərin qurulması haqda şübhəli məsləhətlərə ehtiyacımız yoxdur”,-deyə Zaxarova qeyd edib.
