İctimaiyyət

Füzulu Hüseynov 10 sutkalıq həbsi müddətində üzləşdiyi problemlərdən yazır

“Siyasi məhbuslara azadlıq” tələbiylə silsilə aksiyalar keçirən AXCP üzvü Füzuli Hüseynov son aksiya zamanı həbs edilmişdi və 10 sutka həbs cəzası almışdı. Füzuli Hüseynov “facebook” səhifəsində saxlanma məntəqəsindəki vəziyyətlə bağlı qısa qeydlərini paylaşıb. Həmin qeydləri olduğu kimi dərc edirik

“Bir neçə kəlmə də biz müxalifətçilərin tez-tez yön almalı olduqları Binəqədi İnzibati Saxlanma Məntəqəsindəki  şərait barədə yazmaq istəyirəm:
1.Yemək.
Yeməklə bağlı durum pisdir. Saxlanılan şəxslərə verilən faktiki yemək payı yetkin adamın fizioloji tələbatının heç yarısını da ödəmir.
Səhər – 200 qr çörək və kiçik parça buterbrod yağı,1 stəkan azşirin çay.
Nahar – 150 qr(ml) (xörəkdən çox xorək suyunu xatırladan)  duru yarımmaye, 200qr çörək,1 stəkan çay.
Şam – 150 qr qaynadılmış qarabaşaq (qreçka) yaxud, onun əvəzinə 150 qr qaynadılmış vermişel, 50 qr toyuq əti, 200 qr çörək,1 stəkan çay.
2. Gəzinti – Məntəqədə saxlandığım 16 və 9 sutka ərzində  ümumən 30 dəqiqədən artıq təmiz havada olmamışam. Hərçənd, saxlanılan hər bir kəsin sutkada 3 saatdan az olmayaraq açıq havada gəzmək  hüququ var. Bu hüquq təmin edilmir. Məntəqənin 16 kameradan ibarət olan korpusunun vur-tut bircə üstüaçıq gəzinti sahəsi var ki, bu da saxlanılan şəxslərin gəzintiyə olan hüquqlarınn  təmin edilməməsinin başlıca səbəbidir. Gəzinti sahəsi oturacaqla təmin edilməmişdir və  olan yeganə avadanlıq zibil kanteyneridir.
3. Kameralarda şərait – Su arasıra kəsilir. Ventilyasiya olsa da yetərsizdir. Saxlanılan şəxslərə kameralarda qələm və kağız verilmir. Bəzi kameralarda saxlanılan şəxslər sayca kameranın tutumunu üstələyir. Son olduğum müddətdə  6 nəfərlik kamerada 7 nəfərin, bir 8 nəfərlik kamerada isə 11 nəfərin saxlandığını gördüm.
4. Hamam.
Məntəqədə saxlanıldığım 16 və 9 sutka ərzində ehtiyacım olduğu halda mənə hamamda çimmək imkanı verilməyib. Ümumiyyətlə, mənimlə birgə cəza çəkən məhkumlardan  heç kəsin hamamda çimməsi barədə  eşitməmişəm. Məntəqədə növbə çəkən DİN əməkdaşları hamamdan aidiyyəti üzrə istifadə edirlər.
Hələlik bu qədər”.

Daha çox göstər
Back to top button