İctimaiyyət

Gürcüstan yüzlərlə Azərbaycan vətəndaşının girişinə icazə verməyib

2017-ci ilin ilk altı ayı ərzində 2 922 xarici vətəndaşın Gürcüstana girişinə icazə verilməyib.

Gürcüstan Daxili İşlər Nazirliyinin (DİN) verdiyi xəbərə görə, həmin şəxslərdən 418-i Azərbaycan vətəndaşıdır.

Qeyd olunan dövr ərzində ən çox Hindistan vətəndaşları (571 nəfər) Gürcüstana buraxılmayıb. 492 Türkiyə vətəndaşı, 230 Rusiya vətəndaşı, 175 Suriya vətəndaşı və 171 Özbəkistan vətəndaşının da Gürcüstana girişə icazə verilməyib.
DİN-in məlumatında qeyd olunub ki, əcnəbi vətəndaşların ölkəyə buraxılmamasının səbəbləri qanun pozuntuları, deportasiya, viza və sərhəd rejiminin pozulmasıdır.

Daha çox göstər
Back to top button