İctimaiyyət

Məhbus cəzaçəkmə müəssisəsini məhkəməyə verib

Həbsxanada işgəncəyə məruz qaldığını deyən “Nardaran işi” üzrə məhbuslardan Abbas Hüseynovun vəkilləri məhkəməyə müraciət edib.

Bu haqda Meydan TV yazır.

Məlumatı vəkil Yalçın İmanov verib. O, şikayətin avqustun 10-da Qaradağ Rayon Məhkəməsinə təqdim olunduğunu deyib.

“Biz məhkəmədən A.Hüseynova münasibətdə Avropa Konvensiyasının 3-cü (İşgəncə) maddəsinin pozuntusunun tanınması, onun barəsində təcili məhkəmə-tibb ekspertizasının təyin edilməsini tələb etmişik. Eyni zamanda, şikayətə Abbas Hüseynovun iştirakı ilə baxılmasını istəmişik”.

Yalçın İmanov deyir ki, məhkəmədən öncə A.Hüseynovun işgəncəyə məruz qalması iddiasının araşdırılması üçün Baş Prokurorluğa, Ombudsman Aparatına və Penitensiar Xidmətə də müraciət edilib:

“Hələlik, həmin qurumlardan hər hansı cavab almamışıq”.

Avqustun 8-də vəkil Yalçın İmanov Qobustan Qapalı Həbsxanasında A.Hüseynovla görüşmüşdü. Görüşdə A.Hüseynov vəkilinə ardıcıl “kars”a salındığını, davamlı işgəncələr gördüyünü, “çarmıxa” bağlandığını demişdi.

Daha çox göstər
Back to top button