Səfir: ABŞ Minsk qrupunun fəal həmsədri olmaqda davam edir

ABŞ ATƏT-in Minsk qrupunun fəal həmsədri olmaqda davam edir.

Trend-in məlumatına görə, bunu jurnalistlərə Birləşmiş Ştatların Azərbaycandakı səfiri Robert Sekuta deyib.

ABŞ-ın Minsk qrupunda həmsədrliyinin dayandırılması barədə bəyanata gəlincə, diplomat bildirib ki, bu məsələdə çox spekulyasiya edilir:

“Mən bu spekulyasiyasını şərh etmək istəməzdim. Biz ATƏT-in Minsk qrupunda fəal həmsədr olmuşuq, fəal olmaqda davam edirik və olacağıq. ABŞ-ın Minsk qrupunda yeni həmsədri təyin edilib. O, Dağlıq Qarabağ münaqişəsinin nizamlanması üzrə danışıqların bilavasitə iştirakçısıdır”.

R.Sekuta əlavə edib ki, Birləşmiş Ştatlar həmsədrlərdən biri kimi bu məsələdə fəal rolunu davam etdirəcək.