Azərbaycan və Ermənistan XİN rəhbərləri Elmar Məmmədyarov və Edvard Nalbandyanın növbəti görüşü gələn ilin yanvar ayının əvvəllərində baş tuta bilər. Bunu Rusiyanın ATƏT-dəki daimi nümayəndəsi Aleksandr Lukaşeviç jurnalistlərə açıqlamasında bildirib.
“Nazirlərin ən qısa müddətdə, ola bilsin ki, yanvarda ATƏT-in Minsk qrupunun vasitəçiliyi ilə görüşəcəyinə dair gözləntimiz var”, – deyə Lukaşeviç ATƏT-ə üzv ölkələrinin Xarici İşlər Nazirləri Şurasının 24-cü Vyana görüşünün yekunlarına dair mətbuat konfransında bildirib.
O, eyni zamanda qeyd edib ki, Rusiya bu cür tendensiyanı tamamilə dəstəkləyir.
