Siyasət

Müsavatçıları kütləvi şəkildə polisə çağırırlar

Müsavat Partiyasının aparat rəhbəri Gülağa Aslanlı martın 6-da Binəqədi Rayon Polis İdarəsinin 7-ci bölməsinə çağırılıb. O bildirib ki, söhbət hədə-qorxu şəraitində keçib.

“Mənə dedilər ki, partiyanın haradan maliyyələşdirilməsi onlara məlumdur. Mən də dedim ki, əgər məlumdursa faktları ortaya qoysunlar”, – G.Aslanlı bildirib.

G.Aslanlının sözlərinə görə, martın 6-da partiyanın rayon təşkilatlarının 20-yə yaxın rəhbəri müxtəlif polis bölmələrinə çağırılıb.

Axşama yaxın onları buraxıblar.

Polisə çağırışlar martın 7-də də davam edib.

Partiyanın Sumqayıt təşkilatının rəhbəri Fəxrəddin Abbasov polisə çağırılıb.

Partiyada hesab edirlər ki, bununla da martın 10-na təyin edilən mitinqi pozmaq üçün Müsavat Partiyasının fəallarına təzyiq göstərirlər.

Daha çox göstər
Back to top button