Beynəlxalq
AŞPA deputatları Azərbaycanda insan hüquqları sahəsində davam edən pozuntuları pisləyib
İyunun 28-də AŞPA-nın yay sessiyası çərçivəsində təşkilatın 20-dən çox deputatı bəyanatla çıxış edərək Azərbaycanda insan hüquqlarının pozulmasını və ölkə hakimiyyətinin AŞ qarşısındakı öhdəliklərə məhəl qoymamasını pisləyib. Bu barədə “Turan” informasiya agentliyi bildirir.
Bəyanatda Azərbaycan “Avropanın ən repressiv ölkələrindən biri” adlandırılıb. Burada seçkilər qorxu atmosferində keçirilir.
” O ölkədə siyasi motivli məhkəmə təqibləri və həbs cəzaları, amansız davranış və işgəncə tətbiqi praktikası yayılıb. Ümumilikdə, əsas insan hüquqlarına əməl olunmur”- deyə bəyanatda deyilir.
İyunun 25-də başlanmış Avropa Şurası Parlament Assamnleyasının (AŞPA) yaz sessiyasında Azərbaycanla bağlı bir sıra məsələlər müzakirə edilib.
AŞPA-da iyunun 25-də və 26-da Azərbaycanda 2018-ci ildə keçirilmiş növbədənkənar seçkilərin nəticələri müzakirə olunub, “Siyasi məhbuslar Azərbaycanda” məruzəsi hazırlanıb.
Azərbayacn növbədənkənar seçkilər barədə məruzə iyunun 25-də rumıniyalı deputat Riekard Baden təqdim edib. Orada seçkilərə demokratik normalarına və Avropa Şurasının standartlarına uyğun olmasına və ya olmamasına aid hüquqi qiymət verilib.
