Şəki tütünçüləri aksiya keçirəcək: “Kredit üzünə həsrət qalmışıq”

Bizimyol.info-ya müraciət edən Şəki rayonun Baş Göynük kənd sakini Məmmədov Rafiq Rəhim oğlu bildirib ki, 2016-cı ildən tütün istehsalçılarına emal müəssisələrinə satılan quru tütünün hər kiloqramına və yaş tütünün hər 10 kiloqramına 0,05 AZN məbləğində subsidiya verilir.

R.Məmmədov Kənd Təsərrüfatı Nazirliyi (KTN) Baş Göynük kəndindəki 66 fermerə 2017-ci il üzrə 42 ton quru, 211 ton yaş tütünə görə 31.6 min manat subsidiya ayırıb: “Lakin nəzərdə tutulan əkiləsi hər ha yer üçün yanacaq və motor yağına görə veriləsi hər hektarına üçün 40 manat subsidiyanı, güzəştlə veriləsi gübrə subsidiyasını bizə vermirlər, bazarda satırlar. Ona görə də əldə etdiyimiz gəlir çəkilən xərcləri ödəmir. Bizdən çoxlu yersiz sənədlər tələb edirlər ki, vaxtında güzəştli kredit ala bilmirik. Kredit üzünə həsrət qalmışıq”.

“Əgər avqustun 15-dək yuxarıda qeyd etdiyimiz korrupsiya və özbaşnalıq aradan qaldırılması, o zaman biz fermerlər Şəki-Qax magistral yolunun İnçə-Aşağı Göynük hissəsinə tonlarla yaşıl tütün yarpaqlarını gətirib səpələyərək etiraz edəcəyik. O zaman qoy bizlərə çatası əkinə, gübrəyə, tütünə görə dövlətin ayırdığı subsidiyaları mənimsəyən məmurlar bir az utansınlar”,-deyə R.Məmmdov bildirib.
Fermer Məmmədov Rafiq Rəhim oğlunun şikayəti əsasında Kənd Təsərrüfatı Nazirliyinə informasiya sorğusu göndərilib.