İctimaiyyət

Azərbaycanda kapital qoyuluşu azalıb

2018-ci ilin yanvar-avqust aylarında bütün maliyyə mənbələrindən əsas kapitala 8 milyard 953.6 milyon manat vəsait yönəldilib.

Bu barədə Azərbaycanın Dövlət Statistika Komitəsinin (DSK) sentyabrın 13-də yaydığı məlumatda yazılır.

Məlumata görə, bu, əvvəlki ilin eyni dövrü ilə müqayisədə 12.8 faiz azdır.

Komitə bunu neft sektoruna yatırılmış investisiyaların azalması ilə izah edir.

Qeyri-neft sektoruna yönəldilmiş vəsaitin həcminin isə 22.7 faiz artdığı vurğulanır.

Məlumata görə, ümumi sərmayənin 69.2 faizi bilavasitə tikinti-quraşdırma işlərinin yerinə yetirilməsinə sərf edilib.

Komitə bəyan edib ki, daxili mənbələrdən əsas kapitala yönəldilmiş vəsait ümumi sərmayənin 59.4 faizini təşkil edib.

Daha çox göstər
Back to top button