Azərbaycanda xaricdən kapital qoyuluşu azalır

Bu ilin yanvar-avqust aylarında bütün maliyyə mənbələrindən əsas kapitala 8627.2 milyon manat vəsait yönəldilib. Bu barədə  Azərbaycan Dövlət Statistika Komitəsi (DSK) məlumat yayıb.

Bir il əvvəlki rəqəmlərlə (8953.6 milyon manat) müqayisədə vəsait qoyuluşunun azalmaqda davam etdiyi bəlli olub.

Qurum qeyd edib ki, hazırkı hesabat dövründə sərf edilmiş vəsaitin 66.7 faizi bilavasitə tikinti-quraşdırma işlərinin payına düşüb.

DSK-nın məlumatına görə, əsas kapitala yönəldilmiş sərmayənin ümumi dəyərində bank kreditləri cəmi 7.8 faiz olub. Qalan hissə müəssisələrin, əhalinin və büdcənin payına düşüb.

Azərbaycana xaricdən kapital qoyuluşunda da azalma var. Ötən ilin eyni dövründə daxili mənbələrdən əsas kapitala yönəldilmiş vəsait ümumi sərmayənin 59.4 faizini təşkil etmişdi.