ER Baş naziri Nikol Paşinyan Almaniyanın Ermənistandakı yeni təyin olunmuş fövqəladə və səlahiyyətli səfiri Mikael Yohannes Bantzafini qəbul edib.ER Baş nazirinin iş heyətindən verilən məlumata görə, Nikol Paşinyan qeyd edib Almaniya bizim ölkəmiz üçün siyasi və iqtisadiyyat baxımından olduqca mühüm həmkardır və son 1,5 ildə ikitərəfli əməkdaşlığın yeni dinamikası protokollaşdırılıb. Baş nazir Almaniya hökumətinin Ermənistanda baş verən islahatlara, o cümlədən demokratiyanın inkişafı, korrupsiyaya qarşı mübarizə və digər islahatlara dəstəyinin vacibliyini bird aha vurğuladı. “Məqsədimiz birdir – Ermənistanı demokratiyanın və antikorrupsiyanın ən yüksək standartlarına uyğunlaşdırmaqdır”-deyərək hökumət rəhbəri qeyd edib. Nikol Paşinyan eləcə də Almaniya ilə möhkəm əlaqələrin mövcüdlüyünü KFW Bankı və GIZ ilə sıx iqtisadi və sosial proqramların səmərəli şəkildə həyata keçirilməsində sıx əməkdaşlığın olduğunu qeyd etdi. Baş nazir Ermənistan-Almaniya hökumətlərarası komissiyasının ikitərəfli iqtisadi əməkdaşlığın bütün potensialını reallaşdırmaqda fəallaşmasının vacibliyini vurğuladı. Səfir Bantzhaf qeyd edib ki, Almaniya hökuməti səmərəli islahatlara təkan verməkdə Ermənistana dəstəyini davam etdirəcəkdir. Baş nazir və səfir enerji, tikinti, sənaye, turizm, infrastruktur inkişafı və digər sahələrdə Ermənistan-Alman əməkdaşlığının inkişafı ilə bağlı bir sıra məsələləri müzakirə etdilər.
