AXCP fəalı saxlanılıb

Bu gün saat 11.30 radələrində  mülki geyimli şəxlər Bakı Apellyasiya Məhkəməsinin binasının qarşısında AXCP fəalı Emin Manıyevi saxlayıblar.  Bu barədə Turan-a Emin Manıyevlə birgə olan şəxslər bildiriblər.

“Hazırda bizi də izləyirlər”, – Zəfər Əhmədov Turan-a deyib.

Facebook-da Emin Manıyevin saxlanılmasını əks etdirən video da paylaşılıb.

Milli Şura noyabrın 2-də mitinq keçirmək barədə qərar qəbul edib. AXCP hesab edir ki, fəalın həbsi sifarişlidir və mitinqlə bağlıdır.

Rəsmi qurumlar E.Manıyevin saxlanması ilə bağlı hələ  məlumat yaymayıblar.