Geoloji kəşfiyyat qayığında partlayış zamanı SOCAR əməkdaşı həlak olub

Çərşənbə axşamı saat 13:30-da SOCAR-ın geoloji kəşfiyyat qayığında partlayış baş verib. Nəticədə SOCAR-ın əməkdaşı Habil Məmmədov həlak olub. Şirkətin daha üç əməkdaşı – Azər Vəliyev, Bəhruz Paşayev və Böyükağa Xəlilov müxtəlif dərəcəli xəsarətlər alıb, deyə SOCAR-ın məlumatında bildirilir.

Xəsarət alanlar 5 saylı şəhər xəstəxanasına çatdırılıb.

Mənbənin məlumatına görə, faciəyə seysmik kəşfiyyat işlərində istifadə edilən partlayıcı maddə səbəb olub. Hadisə Gürgan qəsəbəsi yaxınlığında dənizin dayaz hissəsində baş verib.