“Bizim ümumi ortaq paketimiz var”. Bunu Ermənistan Xarici işlər naziri Zohrab Mnatsakanyan, 4 dekabrda azərbaycanlı həmkarı ilə görüşdə hansı gündəmin olması barədə sualın cavabında jurnalistlərə bildirib.
“Bizim vahid paketimiz var. Oraya məsələnin həlli və sülh yolu ilə həlli prosesinin olduğu mühitlə bağlı bir çox vacib məsələlər daxildir. Hamı da bütövlükdə çox vacibdir “,-deyə nazir qeyd etdi.
Nazir bəyan etdi ki, son bir yarım il ərzində Ermənistan məsələnin sülh yolu ilə həlli prinsipinə sabit qalıb.
“Bu bir yarım il ərzində biz sülh prosesində iştirak etmək və səmərəli işləmək bacarığımızı və imkanlarımızı nümayiş etdirdik. Bizim prioritetlərimiz var və onlar üzərində işləyəcəyik”.
Qeyd edək ki, dekabrın 4-də Bratislavada ATƏT-in 26-cı Nazirlər Konfransı çərçivəsində ATƏT-in Minsk Qrupu həmsədrlərinin vasitəçiliyi və iştirakı ilə Ermənistan və Azərbaycan xarici işlər nazirləri Zohrab Mnatsakanyan və Elmar Məmmədyarovun görüşü keçiriləcək.
