2019-cu ildə Azərbaycanda xarici kəşfiyyata işləyən 15 nəfər müəyyən edilib

Azərbaycan Dövlət Sərhəd Xidmətinin 2019-cu ildə xidməti-döyüş fəaliyyətinin yekunlarına həsr olunan hesabat müşavirəsində qeyd olunub ki, “Azərbaycana qarşı kəşfiyyat-pozuculuq fəaliyyəti məqsədilə xarici xüsusi xid­mət orqanları ilə əlaqədə şübhəli bilinən 15 nəfər müəyyən edilib”.

Bildirilib ki, xarici münaqişə zonalarında (məsələn “İslam Dövləti” teror qruplaşmasının sıralarında) döyüşmüş 23 nəfərin şəxsiyyəti müəyyən olunub, onlardan 6 nəfər Azərbaycan vətəndaşı saxlanılıb.

Qeyd olunub ki, il ərzində 2 ton 240 kiloqram 973 qram narkotik vasitənin dövlət sərhədindən qanunsuz keçirilməsinin qarşısı alınıb.