2020-ci ilin mart ayında Dubayda keçiriləcək İllik İnvestisiya Forumunda Ermənistanın və erməni müxtəlif şirkətlərinin iştirakı ikitərəfli ticari-iqtisadi əlaqələri gücləndirəcək, ticarət dövriyyəsini artıracaq və qarşılıqlı investisiyaların artmasına təkan verəcəkdir. Bunu Birləşmiş Ərəb Əmirliklərinin Ermənistandakı Fövqəladə və Səlahiyyətli səfiri Məhəmməd İsa al Qəttəm al Zaabi Yerevanda İllik İnvestisiya Forumu astanasında təşkil edilən konfrans-müzakirədə söyləyib.
“Bu il konfrans “Gələcəkdə investisiyalar: Dünya investisiya siyasətlərinin prespektivləri” başlığı altında keçiriləcək. Bu, dünyanın müxtəlif inkişaf etməkdə olan bazarlarında investisiya imkanlarını təqdim edərək, sərmayə üçün əla bir platforma olacaq”- deyə səfir qeyd edib.
