Ermənistan Təhlükəsizlik Şurasının katibi Armen Qriqoryanın sözlərinə görə, ABŞ-İran münasibətlərində gərginlik artır. Armen Qriqoryan bu haqda hökumət iclasından sonra jurnalistlərlə söhbətində qeyd edib.
Ümid edirik ki, yaxın günlərdə ümumi bir sakitlik olacaqdır. Əlbəttə ki, biz həmişə ən pis vəziyyətə hazırlaşırıq və ümumiyyətlə deyə bilərəm ki, həm Suriya, həm də İran böhranları zamanı çox iş görmüşük. İnstitusional imkanlarımızın artdığını söyləyə bilərik, həm evakuasiya planını, həm də idarəetmə sistemimiz üçün çox vacib bir inkişaf hesab etdiyimiz bir böhrana qarşı cavab planını hazırlaya bildik. Bəzi mənada institusional imkanlarımız bu iki böhranla gücləndi və nə edəcəyimizi daha yaxşı bilirik”-deyərək Qrikoryan qeyd edib. Ermənistanın ABŞ və İran arasında vasitəçilik etməyə hazır olub-olmadığı barədə sualına Təhlükəsizlik Şurasının katibi belə cavab verdi: “Hələlik belə bir seçim müzakirə edilməyib. Əlbəttə ki, münaqişənin mümkün qədər tez həll olunmasını istəyirik və zərurət olduqda hər iki tərəflə dialoqun davam etdirilməsində rolumuzu daha çox görürük.Belə ki, münaqişənin mümkün qədər cüziləşməsinə kömək etmək üçün istənilən varianta hazırıq”.
