BaşlıcaSiyasət

Azərbaycanda narazı deputatlığa namizədlər birləşirlər

Müsavat Partiyasının qərargah-mənzilində 9 fevral parlament seçkilərinin rəsmi nəticələri ilə razı olmayan deputatlığa namizədlərin iclası keçirilib.

Görüşdə Müsavat Partiyasının, Respublikaçı Alternativ Partiyasının, “Hərəkat” blokunun namizədləri, habelə bir qrup müstəqil namizəd iştirak edib.

İştirakçılar vəziyyəti müzakirə ediblər və seçkilər nəticələrinin ləğvi uğrunda mübarizədə səyləri birləşdirmək qərara alınıb.

Xüsusən, kölgə parlamenti yaratmaq, 200 müxalif namizəd adından ölkə vətəndaşlarına müraciət qəbul etmək, konstitusiya komissiyası yaratmaq və parlament respublikasına keçid məqsədilə yeni konstitusiya layihəsi hazırlamaq təklif olunub.

Fəaliyyətin əlaqələndirilməsi üçün iclas iştirakçıları Müsavat Partiyasının Aparat rəhbəri Gülağa Aslanlı, REAL-ın icraçı katibi Natiq Cəfərli, NİDA hərəkatının üzvü İlkin Rüstəmzadə, D18 hərəkatının sədri Ruslan İzzətli və ictimai fəallar Fərhad Mehdiyev, Bəxtiyar Hacıyev və Limunət Əmrahlıdan ibarət işçi qrup yaradıblar.

Daha çox göstər
Back to top button