Ermənistanda daha 428 nəfərdə koronavirus aşkarlanıb, 775 nəfər sağalıb

Ermənistanda daha 428 nəfərdə koronavirus aşkarlanıb, 775 nəfər sağalıb.

Məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Bildirilib ki, bununla da Ermənistanda virusa yoluxanların sayı 14 103-ə yüksəlib.

Qeyd olunub ki, ölkədə pandemiyadan ölənlərin sayı daha 10 nəfər artaraq 227-yə çatıb. İndiyədək 5 226 nəfər infeksiyadan sağalıb. Hazırda Ermənistanda 8 573 aktiv koronavirus xəstəsi var. İndiyədək 73 156 test aparılıb.