RİA Novosti xəbər verir ki, Rusiya prezidentinin mətbuat katibi Dmitri Peskov Moskvanın Ermənistanla Azərbaycan arasındakı atışmadan dərin narahatlığını ifadə edərək tərəfləri təmkinli olmağa və atəşkəsə çağırıb.
“Biz müxtəlif səviyyələrdə demişik ki, Rusiya Minsk qrupunun həmsədri olaraq vasitəçilik səylərini göstərməyə hazırdır. Bilirsiniz ki, Xİ naziri Lavrov Bakı və Yerevandan olan həmkarları ilə intensiv telefon danışığı olub. Buna görə də hər iki tərəfi bir daha təmkinli olmağa çağırırıq”, – deyə Kremilin mətbuat xidmətinin rəhbəri əlavə edib.