Bu gün “Ordu-2020” beynəlxalq hərbi-texniki konfransı çərçivəsində Yerevanın “Erebuni” rus aviabazasında açıq gün elan edilib.
Qonaqlar, qırıcı və ordu aviasiya heyətlərinin ifasında taktiki epizodlarla tanış oldular.
Rusiyanın Ermənistandakı səfiri Sergey Kopirkin tədbirin Yerevanda keçirilməsinin onun üçün rəmzi və məntiqli olduğunu qeyd etdi.
“Bildiyim qədər, hərbi-texniki konfrans ilk dəfə Rusiyadan kənarda keçirilir. Və bunun Ermənistanda baş verməsi, mənim fikrimcə, dərin tarixi ənənələrə, bugünkü mürəkkəb dünyada dövlətlərimizin ümumi strateji maraqlarına əsaslanan qardaşlıq, müttəfiq münasibətlərinin təbiətini çox yaxşı əks etdirir”, – deyə diplomat vurğulayıb.
Onun sözlərincə, hərbi konfransın vacib hissəsinin Yerevanda keçirilməsi Ermənistan və Rusiya münasibətlərinə xas olan xüsusi isti və qardaşlıq mühitini əks etdirir. Qeyd edək ki, Ermənistanda konfransda 40-dan çox birlik və hərbi hissə, 10-dan çox sənaye müəssisəsi, elmi-tədqiqat institutu, təhsil müəssisəsi iştirak edir
