Statistika göstərir ki, Ermənistanda heç bir sosial böhran olmayıb, belə bir şey yoxdur. Bunu hökumət iclasında ER Baş naziri Nikol Paşinyan qeyd edib.
Baş nazir bildirib ki, pandemiya sosial-iqtisadi zərərlər verib, amma bu zərərlərin qiymətləndirilməsi də çox vacibdir.
Baş nazir qeyd edib ki, ölkədəki sosial tənəzzülün dərəcəsini anlamağa imkan verən göstəricilər var və bu göstəricilərə əsasən, bizim sosial kolaps və sosial böhranımız yox, sadəcə problemlərimiz var.
Nikol Paşinyanın sözlərinə görə, keçən il avqust ayında bir çox insan xaricə işləməyə getmişdi, amma bu il getmədilər və Ermənistandadırlar. Beləliklə də bir işlə məşğuldurlar. Bundan başqa, cari ildə ER-da yerlilərdən daha çox xərcləyən turistlər yox idi. Teatrlar, muzeylər işləmir, Yerevandakı otellər demək olar ki, boşdur. Ancaq, göstəricilərə əsasən, ER-da sosial böhran olmayıb, elə bir şey yoxdur. Sadəcə sosial vəziyyət pisləşib.
“Biz iqtisadi artımımızı itirdik, yanvar və fevral aylarında 9% iqtisadi aktivlik göstəricimiz olub”,-deyə Paşinyan qeyd etdi.
Onun fikrincə, ölkədə sosial böhranın qarşısını hökumət öz addımları ilə alıb, çünki pandemioyaya qarşı mübarizənin həyata keçirilməsi çərçivəsində iqtisadiyyata 163.4 milyard dram ayrılıb.
