ER Milli Elmlər Akademiyasının Şərqşünaslıq institutunun direktoru, türkoloq Ruben Safrastyana əsasən, Türkiyə vitse-prezidenti Fuat Oktanın, Bakı xahiş edərsə, Azərbaycana qoşun göndərməyə hazır olduqları barədə bəyanatı o deməkdir ki, Türkiyə mübarizəni davam etdirmək üçün Azərbaycana qətiyyət verməyə çalışır. Bu barədə Safrastyan “Armenpress”-ə bildirib.
“Faktiki olaraq, Azərbaycan son resurslarından istifadə edir, xüsusilə son günlər ərzində Azərbaycan ordusuna çox güclü zərbələr endirilir. Əslində, bununla Azərbaycana mübarizəni davam etdirmək üçün qətiyyət verməyə çalışırlar. Əminəm ki, Türkiyə faktoru olmasaydı, Azərbaycan çoxdan atəşkəsə gedib danışıqlara başlamışdı.
Mən çoxdan Türkiyənin qoşun göndərməyə hazır olduğunu söyləmişdim, çünki məncə, Türkiyə Azərbaycanın nəhayət məğlub olmasını istəmirsə, silahlı qüvvələrini göndərməlidir. İndi də iştirakı var, ancaq əsgər göndərmək, Türkiyənin müharibəyə tam şəkildə cəlb edilməsinin son yoludur”- deyə Safrastyan qeyd edib.
Türkoloqun sözlərincə, sual doğuracaq ki, Rusiya və NATO çərçivəsində Türkiyə müttəfiqləri Türkiyənin addımına necə baxacaqlar.“Rusiya onsuz da öz imkanlarından istifadə etmək məcburiyyətində qalaraq daha sərt addımlar ata bilər.
Mən düşünürəm ki, NATO çərçivəsində də müttəfiqlərin çox mənfi münasibətinə layiq olacaq. Türkiyə Azərbaycanın məğbul olduğunu görürsə, başqa bir addım qalmaz. Azərbaycanın uduzmasına icazə verəcəklərmi? Düşünürəm ki, bu bəyanatı ciddi qəbul etməliyik”- deyə o qeyd edib.
Ruben Safrastyana görə, Türkiyə Azərbaycana qoşun göndərməkdən yalnız Rusiya, ABŞ və NATO müttəfiqlərinin güclü təzyiqi hiss etdiyi təqdirdə imtina edə bilər.
