ArtsaxBaşlıcaSiyasət

Hulusi Akar: Monitorinq Mərkəzi yaxın vaxtlarda işə başlayacaq

Türkiyənin milli müdafiə naziri Hulusi Akar Dağlıq Qarabağda atəşkəs rejiminin monitorinqi üzrə birgə mərkəzin tikintisi barədə məlumat verib.

“Mərkəzin binasının tikintisi davam edir. Hərbçilərimiz öz missiyasına çox qısa müddətdə başlayacaqlar”, – “Anadolu” agentliyi Akardan sitat gətirir.

Onun sözlərinə görə, birgə mərkəzdə türk və rus generallar fəaliyyət göstərəcəklər. “İki ölkənin zabitləri barışığın uzunmüddətli xarakter alması üçün atəşkəs rejiminin monitorinqində birgə iştirak edəcəklər”, – nazir bildirib.

Akar xatırladıb ki, Mərkəzin fəaliyyətinin texniki aspektləri üzrə danışıqlar Türkiyə və RF Müdafiə nazirlikləri rəhbərlərinin müavinlərinin nəzarəti altında aparılıb.

Qeyd edək ki, Rusiya Müdafiə Nazirliyinin rəsmi nümayəndəsi general-mayor İqor Konaşenkovun sözlərinə görə, Azərbaycandakı Monitorinq Mərkəzinə bərabər sayda Rusiya və Türkiyə hərbçisi daxil olacaq.

Daha çox göstər
Back to top button