Türkiyə prezidenti Rəcəb Tayyib Ərdoğanın Azərbaycan Respublikasında keçirilən paradda Araz adlı bayatını oxuması İran rəsmiləri, o cümlədən ölkənin Xarici İşlər Naziri Məhəmməd Cavad Zərifin etirazına səbəb olub.
İranşünas Harut Arakelyan bu məsələyə münasibət bildirərək qeyd edib ki, 74 il əvvəl dekabrın 9-da İran ordusu Sovet İttifaqının dəstəyi ilə İran Atrpatakanında Azərbaycanın Demokratik Partiyası tərəfindən müstəqil elan olunmuş “dövlətə” hücuma başladı. Nəticədə o dağıdıldı. Ərdoğanın bu bəyanatı məhz bu hadisələrə həsr edilmişdir və beləcə o İranın bu ərazilərinə qarşı öz ambisiyalarını dilə gətirdi.
İranın rəsmi dairələri tərəfindən bir neçə dəfə Azərbaycanın “ərazi bütövlüyünün bərpasının” alqışlanmasına, həmçinin İran-Türkiyə, İran-Azərbaycan arasında iqtisadi əlaqələrin dərinləşməsi barədə danışmalara baxmayaraq, Türkiyə prezidenti növbəti işğal istiqamətini gizlətmir.
İranşünasın sözlərinə görə, Türkiyə və İran əlaqələrinin vəziyyəti yaxşı deyil. Ən azı son bir ildə Türkiyə hər yolla İranı kənarda tutmağa və iqtisadi münasibətləri minimuma endirməyə çalışıb. Məsələn, son səkkiz ayda Türkiyə İrandan qaz almadı, bu da Türkiyənin İranla iqtisadi asılılığından və strateji münasibətlərindən qurtulmağa çalışdığı anlamına gəlir.
