Dekabrın 13-də Milli Təhlükəsizlik Şurasının iclasının qapalı hissəsində Meğri barədə, xüsusilə ərazini təhvil vermək barədə məlumatın doğru olub-olmadığından danışılıb. Lakin Paşinyan təkzib edərək deyib ki, Azərbaycan vəziyyəti ağırlaşdırır, təhrik edir, hücum olarsa, Ermənistan KTMT-yə müraciət etməyə və Ermənistanı müdafiə etməli olduqlarını söyləməyə hazırdır. Yəni Ermənistan bu dəfə mümkün sərhəd pozuntularına əvvəlcədən hazırlaşır. Bu barədə barədə “Joxovurd” gündəlik qəzeti bildirir.
Rəsmi açıqlamaya görə, Milli Təhlükəsizlik Şurasının iclasında ER Baş naziri Hadrut rayonundakı vəziyyəti təqdim edib və gözlənilən inkişaflardan danışıb.
“Yaxın gələcəkdə qərar verməyimiz lazım olan növbəti məsələ Qubadlı və Zəngilən rayonlarındakı vəziyyətlə bağlıdır. Əlbəttə ki, ortaq bəyanatda bu sahələrdən bəhs edilmir, çünki bəyanatı imzalayarkən bu ərazilər, təəssüf ki, daha çox Azərbaycan qüvvələrinin nəzarəti altında idilər, yəni yalnız kiçik hissələr qalıb. Həmin danışıqlar zamanı anlaşılıb ki, bu ərazilərdə sərhədlərin aydınlaşdırılması lazımdır”- deyə o qeyd edib.
