ABŞ Konqresi önümüzdəki aylarda veriləcək 900 milyard dollarlıq paket barədə razılığa gəldi. Օrada Dağlıq Qarabağ münaqişəsi, Ermənistan və Azərbaycanla bağlı müddəalar da var. “Amerikanın Səsi”-nə əsasən, bu barədə Senatda əksəriyyət olan Respublikaçıların lideri Miç Makkonel çıxışında qeyd edib.
Bu qanun layihəsinə son Ermənistan-Azərbaycan müharibəsi və regional inkişaflarla bağlı müddəalar daxildir. Layihənin “Ermənistanla Azərbaycan arasındakı gərginliyin qiymətləndirilməsi” adlı 615-ci hissəsində bildirilir ki, qanun layihəsi qüvvəyə mindiyi gündən ən geci 90 gün sonra Milli Kəşfiyyat direktoru Ermənistanla Azərbaycan arasındakı gərginliklə, o cümlədən Dağlıq Qarabağın statusu ilə bağlı Konqresin kəşfiyyat məsələləri üzrə komissiyasın yazılı qiymətləndirmə təqdim etməlidir. Layihəyə görə, sənəddə aşağıdakı müddəalar da olmalıdır:
1. ABŞ və tərəfdaşlarının bölgədəki strateji maraqlarının müəyyənləşdirilməsi.
2. 2020-ci ildə Ermənistan-Azərbaycan sərhədindəki Dağlıq Qarabağa bütün əhəmiyyətli güc tətbiqetmələrinin təsviri, o cümlədən hər bir əhəmiyyətli güc istifadəsinin təsviri.
3. ABŞ-ın Ermənistana və Azərbaycana verdiyi hərbi yardımının bölgədəki güc tarazlığına təsirinin qiymətləndirilməsi və hərbi gücün sonrakı istifadəsinin ehtimalı.
4. Yaxın vaxtlarda bölgədə güc tətbiq edilməsi və ya mümkün sabitliyin pozulması ehtimalının qiymətləndirilməsi.
