Oktyabrın 28-də Gorisdən Ermənistanın Vorotan kəndinə gedən yolun ortasında azərbaycanlılar tərəfindən həmin ölkənin xəritəsi olan lövhənin qoyulması Goris, Vorotan və digər bir sıra dinc yaşayış məntəqələrində dərin narahatlığa səbəb oldu. Bu barədə ER İnsan Hüquqları Müdafiəçisi Arman Tatoyan “Facebook” səhifəsində yazıb.
O, xüsusilə qeyd edib. “Eyni şey yolun həm həmin hissəsində, həm də Vorotan kəndi yaxınlığında Azərbaycan bayraqlarının yerləşdirilməsi barədədir.
Bu yaşayış məntəqələrinin sakinləri öz həyatları, fiziki təhlükəsizliyi və toxunulmazlığı, mülkiyyəti və digər həyati hüquqları ilə bağlı Ermənistan İnsan Hüquqları Müdafiə İdarəsinə həyəcan siqnalı göndərmişlər.
Ermənistan İnsan Hüquqları Müdafiəçisi heyəti dərhal ətraflı araşdırmaya başlayıb. Həm Müdafiə Ofisinin Syunik regional və mərkəzi bölmələrinin müşahidələri, həm də yerli icma orqanlarının və sakinlərin həyəcan siqnalları təhlil edilib.
Məlum oldu ki, Ermənistanın sərhədyanaşı yaşayış məntəqələrinin ortasında Azərbaycan hərbçiləri “Azərbaycana xoş gəlmişsiniz” yazılı lövhə yerləşdiriblər. Həmin lövhədə göstərilən xəritə Ermənistanın Syunik bölgəsinin əhəmiyyətli bir hissəsinin və ölkəmizin bir sıra digər yaşayış yerlərinin Azərbaycanın bir hissəsi kimi təmsil olunduğu şəkildə hazırlanmışdır. Hər halda açıqdır ki, bu qavrayış yaratmaq üçün edilib. Lövhə Ermənistanın bir yaşayış məntəqəsini digərinə bağlayan yola yerləşdirilib.
Tədqiqatın nəticələri təsdiqləyir ki, Azərbaycan hərbçiləri sözügedən addımı, ER sərhədyanaşı yaşayış məntəqələri sakinlərinin hüquqlarını pozaraq açıq şəkildə onları qorxutmaqla atıb.
Bu, ilk növbədə 2020-ci ilin sentyabr-noyabr müharibəsi zamanı və ondan sonra Azərbaycan silahlı qüvvələrinin xalqımıza qarşı törətdiyi işgəncə, qeyri-insani rəftar və digər hərbi cinayətlər, etnik təmizləmələr nəzərə alınaraq mülki insanları qorxutmaq məqsədi ilə atmış addımdır.
Bu cür addımlar Azərbaycanda antierməni və erməniləri öldürmək mütəşəkkil təbliğatına dair dövlət siyasəti, habelə bu ölkədə ictimaiyyət tərəfindən tanınan və özlərini insan haqları müdafiəçisi elan etmiş azərbaycanlılar tərəfindən Ermənistana qarşı açıq müharibə çağırışı fonunda xüsusilə qınanılır”- deyə yazıda qeyd olunur.
