Rusiya sülhməramlılarının Dağlıq Qarabağda yerləşdirilməsi uzunmüddətli perspektivdə bölgədə sülhü təmin edəcəkdir. Bu sözləri Rusiya Federasiya Şurası Təhlükəsizlik Komitəsinin sədri Viktor Bondaryev “TASS” ilə söhbətində söyləyib.
“İlk dəfə deyildir ki, Rusiya qonşularımız arasındakı münaqişələrin həllində həlledici rolu oynayır. İki münaqişə tərəfinə də dərin hörmət edirik və onlara yalnız yaxşılıq diləyirik. Müharibədə bu mümkün deyil”- deyə Bondaryev qeyd edib.
Senatora görə, Rusiya, Ermənistan və Azərbaycan arasındakı üçtərəfli bəyanat Dağlıq Qarabağdakı müharibəni dayandırdı və daha çox qan tökülməməsinə imkan verdi”.
“Azərbaycan tam atəşkəsə, Rusiya sülhməramlı qoşunlarının Azərbaycan və Ermənistan qoşunlarının təmas xəttində yerləşdirilməsinə razı oldu. Ermənistan, öz növbəsində, Dağlıq Qarabağ xalqının həyatı və ərazilərin bir hissəsi üzərində nəzarəti qorumaq üçün “təhlükəsizlik zonasından” ciddi ərazi güzəştlərinə getdi”- deyə o qeyd edib.
O, Dağlıq Qarabağda hərbi əməliyyatların dayandırılmasından hər kəsin faydalanacağını qeyd edərək, bunun uzun illər davam edən qarşıdurma üçün dönüş nöqtəsi olacağına, bölgədə davamlı sülh üçün ilkin şərtlər yaradacağına ümidvar olduğunu bildirib.
“Əminəm ki, Rusiya sülhməramlıları vəzifələrini şərəf və ləyaqətlə yerinə yetirirlər”- deyə Federal Şurasının Müdafiə və Təhlükəsizlik Komitəsinin sədri vurğulayıb.
