Evlərini itirmiş qaçqınlar Artsaxa qayıtmaq istəyir və dövlətdən kömək gözləyirlər

Artsax Prezidentinin baş məsləhətçisi, Artsax hökumətinin Ermənistandakı Operativ Qərargahının koordinatoru Mikayel Virabyan jurnalistlərlə söhbət zamanı bildirib ki, Operativ Qərargah oktyabrın sonlarından fəaliyyətə başladı.

Qərargahın əsas funksiyaları Ermənistan hökuməti və xeyriyyə təşkilatları ilə birlikdə sosial-iqtisadi proqramların həyata keçirilməsinin koordinasiyasıdır. Bundan əlavə, qərargah sənədlərin bərpasına və verilməsinə kömək edir.

Virabyan həmçinin qeyd edib ki, evlərini itirmiş qaçqınlar da Artsaxa qayıtmaq istəyir və dövlətdən kömək gözləyirlər. Artıq 50-dən çox belə ailə var. Yanvar ayının ilk günlərində işğal altındakı Kaşatağ bölgəsindən 7 ailə Artsaxa döndü. Onlar Askeran rayonunda yerləşdilər.

“Evlərini itirənlərin çoxu geri dönmək istəyir. Artsax hökuməti məsələnin ən qısa müddətdə həll ediləcəyini bildirdi. Ancaq bunun üçün bir neçə il lazımdır”,-Virabyan qeyd etdi.