Azərbaycanda yenilənmiş siyasi məhbuslar siyahısında 146 nəfərin adı var

Azərbaycan siyasi məhbuslarına azadlıq uğrunda” İttifaq bu gün yenilənmiş siyasi məhbuslar siyahısını dərc edib. Siyahıya 146 nəfərin adı daxil edilib. Məlumatı “Turan” agentliyi yayıb.

Xatırladaq ki, avqustun əvvəllərində elan edilmiş əvvəlki siyahıda 192 nəfərin adı var idi. Siyahıdan cəza müddəti başa çatan Azərbaycan İslam Partiyasının üç üzvü – Firdovsi Məmmədrzayev, Dəyanət Səmədov (AİP sədri Mövsüm Səmədovun əmisi oğlu) və partiya sədrinin müavini İnqilab Əhədlinin adı çıxarılıb.