Stepanakertdə minalardan təmizlənərkən rusiyalı istehkamçılar beynəlxalq qanunlar tərəfindən qadağan olunmuş M-85 klaster silah-sursat tapdılar. Bu barədə RF Silahlı Qüvvələrinin Mühəndis Qoşunlarının rəisi, general-leytenant Yuri Stavitski bildirdi.
“Müxtəlif mina sahələri var. Stepanakert şəhərində xüsusilə partlamamış çox sayda M-85 “Kolokolchik” kasetli silah-sursat tapılıb. Laçın dəhlizi boyunca bir çox yol körpülərində partlanmağa hazır olan minalar sapyorlarımız tərəfindən uğurla zərərsizləşdirilib”,- deyə o qeyd etdi.
Yuri Stavitskinin sözlərinə görə, xaricdə istehsal edilən və döyüş sursatı olan pilotsuz uçuş aparatlarının qalıqları da var. Daşınması mümkün olmayan bir çox təhlükəli sursatlar yerdə məhv edilir.
“İşləmək asan deyildir, məsuliyyət böyükdür, lakin hərbi mühəndislərimiz bu tapşırığın vacibliyini yaxşı başa düşürlər”,- deyə o qeyd etdi.
