ER Xarici işlər naziri Ara Ayvazyan Türkiyənin Ermənistanla dövlət sərhədini bağlaması üçün heç bir səbəb görmür.
Bu haqda Ayvazyan parlamentdə hökumət ilə sual-cavab ərzində bildirib.
“Məncə , beynəlxalq ictimaiyyətin təzyiqi altında Türkiyə tədricən normallaşmalıdır, Ermənistanın blokadada olmasının artıq heç bir səbəbləri yoxdur.
Blokada, güc istifadə edərək dəyişdirilən Artsaxdakı mövcud status-kvo ilə əlaqəliolub.
Türkiyənin Ermənistanla sərhədi bağlamaq üçün artıq heç bir səbəbi yoxdur”-deyərək Ayvazyan qeyd edib.
Ara Ayvazyan hökumətin əsas məqsədinin Ermənistan və Artsax ətrafında təhlükəsizlik mühitini gücləndirmək üçün mümkün olan hər şeyi etmək olduğunu əlavə etdi.
ER Xarici işlər naziri həmçinin, Qarsda Türkiyə-Azərbaycan ortaq hərbi təlimlərinin keçirilməsinin də Ermənistan üçün narahatlıq yaratdığını qeyd etdi.
