Azərbaycan hərbçilərinin Syunik bölgəsinin kəndlərinin dərhal yaxınlığında olması bölgədəki mülki şəxslərin beynəlxalq səviyyədə təmin edilmiş hüquqlarını pozur. Bu barədə ER İnsan Hüquqları Müdafiəçisi Arman Tatoyan öz “Facebook” səhifəsində yazıb: “Son vaxtlar Syunik bölgəsinin sərhəd kəndləri yaxınlığında Azərbaycan hərbçilərinin atışmalarının nizamsız olduğu və ya sadəcə havada atəş etdikləri barədə məlumatlar yayılıb. Təəssürat belə ola bilər ki, bu atışmaların təhlükəsini azaldır”.
ER İnsan Hüquqları Müdafiəçisi qeyd edib ki, hətta bir atış belə kəndlinin dinc və sakit həyatını pozur, kəndlinin və övladının həyatını və sağlamlığını təhlükə altına alır, kəndlini öz torpağını becərmək və başqa əmlakdan istifadə etmək imkanlarından məhrum edir.
“Dəqiq həqiqətdir ki, erməni kəndlərinin birbaşa yaxınlığında həm havada, həm də kəndlər istiqamətində hətta 1 km-dən az məsafədə azərbaycanlıların kiçik və iri çaplı silahlardan atəş açması müntəzəmdir.
Azərbaycan hərbçiləri yaxşı bilirlər ki, atışları kəndlərdə açıq-aşkar eşidilir, dinc sakinləri və ilk növbədə uşaqları narahat edir, dincliklərini və dinc həyatlarını pozur.
Nəticə etibarilə, Syunik bölgəsinin kəndlərinin ya da bölgənin icmalarını birləşdirən yolların birbaşa yaxınlığında azərbaycanlı hərbçilərin olması, onların hər hansı bir hərəkəti Syunik vətəndaşlarının beynəlxalq səviyyədə zəmanət hüquqlarını pozur, bu da onların sülh və əmin-amanlığına təhlükədir”- deyə ER Ombudsmanı qeyd edib.
