Ermənistandakı vəziyyət respublikanın Müdafiə naziri Vağarşak Harutyunyan və Rusiya Federasiyasının Müdafiə naziri ordu generalı Sergey Şoyqu yaranmış vəziyyəti müzakirə edib.
ER Müdafiə nazirliyindən verilən məlumata görə, telefon danışığı Rusiya tərəfinin təşəbbüsü ilə keçirilib.
Telefon danışığı ərzində Dağlıq Qarabağdakı Rusiya sülhməramlı kontingentinin missiyasından və qarşılıqlı maraq doğuran bir sıra digər məsələlərə toxunulub.
ER Silahlı qüvvələrinin Baş Qərargahı fevralın 25-də ER Baş naziri Nikol Paşinyanın istefasını tələb edərək qeyd etdi ki, siyasi rəhbərlik dövləti təhlükəli istiqamətə doğru aparır.
Bu, Baş qərargah rəisinin birinci müavini Tiran Xaçatryanı Baş nazir istefaya göndərdikdən sonra baş verdi.
Buna cavab olaraq Nikol Paşinyan hərbi çevriliş cəhdini elan etdi və vətəndaşları “inqilabı müdafiə etmək” üçün “Respublika” meydanına toplanmağa çağırdı.
Baş Qərargah rəisi Onik Qasparyanın vəzifəsindən azad edilməsinə dair sənəd imzaladığını, bununla birlikdə hələ ER Prezidenti Armen Sarkisyan tərəfindən imzalanmadığını bəyan etdi.
Elə həmin gün Yerevanda paralel mitinqlər və etiraz yürüşləri keçirildi. Nikol Paşinyan və tərəfdarları “Respublika” meydanına toplaşdılar.
Müxalifətlərsə, Vətən qurtuluş hərəkatının təşəbbüsü ilə “Azadlıq” meydanında toplaşaraq Nikol Paşinyanın istefasını tələb etdi.
