Qarabağ Rusiyanın bir ya da digər gücə qarşı istifadə etdiyi yumruq torbasıdır, hər şey Moskvanın münaqişə tərəflərinə münasibətindən asılıdır. “Arminfo”ya əsasən, bunu azərbaycanlı politoloq, tarixçi, Sülh və Demokratiya İnstitutunun Münaqişə Araşdırmaları şöbəsinin müdiri Arif Yunusov erməni jurnalist Mark Griqoryana müsahibəsində deyib.
“Bu, müharibə deyil, daha çox “Lavrovun planı”nın həyata keçirilməsi idi”- deyə o qeyd edib.
Azərbaycanlı politoloq aydınlaşdı ki, 2016-cı il aprel döyüşlərindən sonra Madrid prinsiplərinin yerini tutmalı olan “Lavrov planı” irəli gəldi. Fərqli olan yeganə şey odur ki, Madrid prinsiplərində söz beynəlxalq sülhməramlı qüvvələrin tətbiqi barədə idi, “Lavrov Planı”nda isə Rusiya qüvvələrinin tətbiqidən söz gedib. Adi dilə tərcümə olunsa – faktiki olaraq Rusiya hərbi bazası kimi”- deyə o qeyd edib.
Eyni zamanda, ekspert əmindir ki, Rusiya 10 noyabr razılaşmalarında qeyd edildiyi kimi bölgədə 5 ildən daha çox qalacaq. “Məndən Qarabağ müharibəsini kimin qazandığını soruşanda “Rusiya” cavab verirəm. Çünki 1994-cü ildən sonra geopolitik qarşıdurma başladı və biz (ermənilər və azərbaycanlılar) Rusiya ilə Qərb arasında qaldıq və onlar vaxtaraşı öz yerini dəyişdirə bilər”- deyə o vurğuldı.
O bildirdi ki, bu gün Ermənistan Azərbaycanın əli ilə məğlub oldu, sabah Moskvanın ehtiyac duyacağı təqdirdə Azərbaycan Ermənistanın əli ilə məğlub olacaq.
