Azərbaycan ordusunda itki var

Azərbaycan ordusunun hərbi qulluqçusu Zöhrabov İlkin Ramin oğlu ölüb. 

Azərbaycan Müdafiə Nazirliyindən bildirilib ki, hadisə martın 22-də baş verib. Qeyd olunub ki, faktla bağlı araşdırma aparılır.

Açıq mənbələrdən əldə edilən məlumatlara əsasən, Kəlbəcər (Karvaçar) rayonundakı “N” saylı hərbi hissədə xidmət keçdiyi əsgər güllə yarasından ölüb. Onun nəşi martın 30-da doğulduğu Masallı rayonu Ərkivan qəsəbəsinə gətirilib və torpağa tapşırılıb. 

Sosyal şəbəkələrdə Sabirabad rayonu Bala Həşimxanlı kənd sakini, 1993 təvəllüd gizir Əliyev Heydər Rövşən oğlunun Hadrut, Əli adlı DSX hərbçisinin isə Qubadlı istiqamətində öldüyü barədə məlumatlar da yayıldı. Ancaq, bu barədə rəsmi məlumat verilməyib.