Aprelin 19-da ER Xarici İşlər Nazirliyində “Fars Körfəzi ilə Qara dəniz arasında beynəlxalq nəqliyyat dəhlizinin yaradılması barədə” razılaşma layihəsini müzakirə etmək üçün toplanan ekspertlərin 5-ci iclası baş tutdu.
ER XİN-dən verilən məlumata görə, iclasda Ermənistan Respublikası, Bolqarıstan Respublikası, Gürcüstan, Yunanistan Respublikası və İran İslam Respublikasının nümayəndə heyəti iştirak etdi.
ER Xarici işlər nazirinin müavini Qagik Qalaçyan və ER Ərazi İdarəetmə və İnfrastrukturlar nazirinin müavini Armen Simonyan açılış nitqləri ilə çıxış etdilər.
“Nümayəndə heyətləri görüş təşkil etmək və səmərəli müzakirələr aparmaq imkanına görə Ermənistan Respublikasına təşəkkür etdilər. Beş iştirakçı dövlətin nümayəndələri razılaşmanın hazırlanmasında və imzalanmasında maraqlı olduqlarını təsdiqlədilər”,-məlumatda deyilir.
Mənbə bildirir ki, görüş zamanı razılaşma layihəsinin əvvəlki iclasda razılaşdırılmamış müddəalarına istinad etdilər. Müzakirələrin sona çatması üçün mütəxəssislərin növbəti görüşü Bolqarıstan Respublikasında keçiriləcəkdir.
