Türkiyədə soyqırımı inkar edən beynəlxalq konfrans keçiriləcəkdir

Türkiyə prezidenti administrasiyasının təşəbbüsü ilə aprelin 20-də Erməni Soyqırımını inkar edən beynəlxalq konfrans keçiriləcək. Türkiyə prezidenti administrasiyasının ictimaiyyətlə əlaqələr şöbəsindən verilən məlumata görə konfrans 3 fərqli panel müzakirəsi ilə keçiriləcək. Bu barədə Ermenihaber.am yazır.

Birinci panel “1915-ci il hadisələri və tarixi proseslərdə erməni məsələsi” adı altında keçiriləcək. Paneldə prezident Rəcəb Tayyib Ərdoğanın baş müşaviri Seyit Sertçelik çıxış edəcək. Sertçelik soyqırımı inkar edən bir sıra konfransların təşkilatçısıdır.

“1915-ci il hadisələri beynəlxalq hüquq baxımından” adlı ikinci panelin müzakirələrində ermənilərin ABŞ-da açdıqları məhkəmə proseslərində Türkiyə üçün vəkil olan David Soltzman və digər vəkillər iştirak edəcəklər.

Üçüncü “1915-ci il hadisələrinin günümüzə təsirləri və gələcək perspektivləri” adlı panelin müzakirələrində Türkiyə-Amerika Təşkilatlarının keçmiş prezidenti Ergün Kırıkoval, Cənub-Şərqi Avropa və Qafqaz Araşdırmaları Mərkəzinin direktoru (Almaniya) Christian Johannes Henrikh iştirak edəcəklər.

Konfransda Türkiyədən başqa, ABŞ, Rusiya, Almaniya, Fransa və İrlandiyadan nümayəndələrin iştirak edəcəyi qeyd olunur.