ER prezidenti Armen Sargsyan ABŞ prezidenti Co Baydenə, Erməni Soyqırımını tanıdığı üçün erməni xalqı adından minnətdarlığını bildirərək təşəkkür məktubu göndərdi.
Məktubda deyilir:
“Bu, bir əsrdən bəri gözlədiyimiz cəsarətli və ruhlandırıcı addımdır, hansı ki bütün dünyadakı ermənilər, o cümlədən həyatları boyu tanınması üçün səylərini əsirgəməyən bütün amerikalı ermənilər və ədalət axtaranlar üçün çox əhəmiyyətlidir.
Ermənistan 2019-cu ildə ABŞ Nümayəndələr Palatası tərəfindən Erməni Soyqırımının tanınmasını, ondan sonra ABŞ Senatının birgə qərarnını da yüksək qiymətləndirir. ABŞ tərəfindən Erməni Soyqırımının rəsmi olaraq tanınması prosesində prezidentin mesajı çox vacibdir. Amerika Birləşmiş Ştatları bu bəyanatı ilə insanlığa qarşı törədilmiş bu dəhşətli cinayətin qurbanlarını yad etməklə yanaşı, insan haqlarını, ümumbəşəri dəyərləri, azadlığı və demokratiyanı da müdafiə edir.
Erməni Soyqırımının beynəlxalq səviyyədə tanınması və pislənməsi bütün dünyada soyqırımın qarşısının alınmasına və cəzasızlığın aradan qaldırılmasına kömək edəcəkdir.
Erməni Soyqırımının tanınması tarixi bir səhvin düzəldilməsi deyil, eyni zamanda Türkiyəyə bu partlayıcı bölgədəki ambisiyalarından çəkinməyə açıq bir mesajdır.”
Məktubda prezident Sargsyan, həmçinin, Ermənistan-Amerika münasibətlərinin inkişaf perspektivlərinə toxunaraq, Ermənistan və ABŞ-ın hər zaman qarşılıqlı etimada və dərinləşdirməyə hazır olduqlarına əsaslanan güclü tərəfdaşlığına əhəmiyyət verdiklərini qeyd etdi. O vurğulayıb ki, ABŞ-Ermənistan münasibətlərini gücləndirmək üçün böyük bir potensial var.
Qeyd olunub ki, İqtisadiyyat, yeni texnologiyalar, biotexnologiya, süni intellekt və digər sahələrdə əməkdaşlıq ikitərəfli münasibətlər kontekstində perspektivli ola bilər.
“Bu vacib hədəflərə çatmaq üçün Sizinlə birlikdə çalışmağa tam hazır olduğumu bildirirəm”,-məktubda vurğulanır.
