Rusiya Federasiyası Xarici İşlər Naziri Sergey Lavrovun Ermənistana səfəri yaxşı, məhsuldar və konstruktiv oldu. Bu barədə Rusiyanın Ermənistandakı səfiri Sergey Kopirkin bildirdi.
“İkitərəfli münasibətlər, bölgədəki vəziyyət, Dağlıq Qarabağ ətrafında vəziyyətlə əlaqəli bütün məsələlər paketi müzakirə edildi. Hesab edirəm ki, Xarici İşlər Nazirliyinin nümayəndələri müvafiq qiymətləri veriblər və verəcəklər. Ancaq, hesab edirəm ki, münasibətlərimizin səviyyəsinə, siyasi dialoqumuzun səviyyəsinə tam uyğun olan yaxşı, təsirli, konstruktiv bir səfər oldu”,- deyə səfir bildirdi.
Kopirkin qeyd etdi, Lavrovla Azərbaycanda əsirlikdə olan erməni əsirlərin geri qaytarılması məsələsi də müzakirə olunub.
Səfir bildirdi ki, bu məsələ gündəmdədir.
