Artsax XİN rəhbəri Davit Babayan “Sputnik Armenia”ya açıqlamasında mediada yayılan xəbərləri şərh edərkən qeyd edib ki, Karmir Şuka kəndinin əsirlərlə mübadiləsi məsələsi müzakirə mövzusu deyil.
Bundan əvvəl “Kommersant” qəzeti diplomatik mənbələrə istinadən yazmışdı ki, Azərbaycanda tutulan erməni əsirləri ticarət mövzusuna çevrilib.
“Bu məsələ müzakirə mövzusu deyil. O formatla irəliləsək, vətənimizdən heç nə qalmayacaq. Əlbətdə ki, girovlarımızın, hərbi əsirlərimizin sərbəst buraxılması bizim üçün prioritetdir. Lakin Azərbaycan bu cür təxribatlara əl ataraq onları azad etmək niyyətində deyil”- Babayan qeyd edib.
Azərbaycanın hərbi əsirlərin əvəzinə birbaşa ərazilər tələb edib-etməməsi sualını cavablandıran Babayan qeyd edib ki, Bakının rəsmi olaraq elan etməməsinə baxmayaraq, müxtəlif mənbələrdə belə məlumatlar var. Artsax Xİ naziri Azərbaycanın bu cür hərəkətlərini istisna etməyib.
Qeyd edək ki, dünən Artsax Təhlükəsizlik Şurasının Katibi Vitali Balasanyan deyib ki, Artsaxın Martuni bölgəsindəki Karmir Şuka kəndinin Artsaxın nəzarəti altında qalıb və qalmağa davam edəcək.
