ER Parlamentinin deputatı Arman Yeğoyan, “Facebook” səhifəsində yazı dərc edərək Syunik bölgəsindəki son hadisələrə və “Zangezur dəhlizi” mövzusuna toxunub. Yeğoyan xüsusilə yazıb:
“Aprelin 20-də Azərbaycan prezidenti bəyan etmişdi ki, “Ermənistan istəsə də, istəməsə də Zangezur dəhlizi olacaq. İstəsə, o məsələni həll etmək daha asan olacaq, istəməsə, zorla həll edəcəyik”. Ondan üç həftə sonra Azərbaycan kontingenti Ermənistan Respublikasının suveren ərazisinə daxil edir”.
O qeyd edib ki, bu vaxta qədər danışıqlarda Azərbaycan tərəfi rəsmi olaraq heç bir dəhliz məsələsini gündəmə gətirməyib, bunun əvəzinə Azərbaycan telegram kanalları bu məsələni qaldırırlar: “Əliyevin istədiyi dəhliz olmayacaq, çünki dəhliz ərazisinin sahibi var”.
